- Xehetasunak
- Kategoria: Prentsa oharrak
Iazko ikasturteko arrakastaren ondoren, Kutxa Kultur Moda programak berriro irekiko du bere gunea Tabakalerako instalazioetan, eta bertara joan ahal izango dira beste sei diseinatzaile, beren lana beste eragile batzuekin bizi eta partekatu nahi badute eta lankidetza eta konexioa sorkuntza-iturri gisa baloratzen badituzte.
Gorabidean dauden eta amateur diren diseinatzaileen topagune gisa pentsatu du leku hori Kutxa Kultur Modak, eta besteak beste ikastaroak eta hitzaldiak emango ditu eta, batez ere, era guztietako ekintzak aktibatuko ditu talentuaren zabalkundea sustatzeko, kasu honetan Gipuzkoako diseinatzaileen talentua.
Kutxa Kultur Moda Kutxa Fundazioak sustatzen duen proposamena da, eta zazpi urte daramatza moda-sorkuntza eta diseinua bultzatzen gure lurraldean, zeren eta Gipuzkoak beharrezko osagai guztiak baititu berriro ere modaren erreferente izateko iraganean izan zen bezala, enplegua sortzeko ahalmena duen sektore batean. Sorkuntza-eremu honetan esku hartzen duten eragileen eta enpresen artean sareak ehuntzea du helburu programa honek, honela azken urteotan neurri batean hautsitako katea berrosatzen laguntzeko, eta horretarako Kutxa Fundazioak eragileen artean hitzarmenak sinatzea sustatuko du.
- Xehetasunak
- Kategoria: Prentsa oharrak
Donostiako Kubo-kutxa aretoak POP POP POP American Pop Art erakusketa inauguratuko du. 2018ko ekainaren 15etik irailaren 30era bitarte egongo da ikusgai.
Erakusketak arte-korronte horretako funtsezko 100 lan biltzen ditu, estiloaren 5 ordezkari nagusienak: Andy Warhol, Keith Haring, Robert Indiana, Roy Lichtenstein eta Robert Rauschenberg.
American Pop Art: mugimendua
Pop artearen ezaugarria da komunikabideen eta publizitatearen mundutik hartutako irudiak eta gaiak erabiltzen dituela. Mugimendua 1950eko hamarkadaren erdialdean jaio zen, Ingalaterran, espresionismo abstraktuari aurre egiteko arte-korronte berri gisa, hura estilo hutsa eta elitista zela baitzeritzoten. Mugimendu berria Estatu Batuetara hedatu zen berehala, eta bertan izan zuen proiekzio handiena.
Lawrence Alloway britainiar kritikariak erabili zuen lehen aldiz terminoa 1962an, zenbait gazte irudi herrikoiak erabiliz sortzen ari ziren artea definitzeko. Era berean, Time, Life, News Week eta beste aldizkari garrantzitsu batzuek hainbat saiakera idatzi zituzten arte-estilo berriari buruz, baina, hala ere, publiko handiaren eta hedapen handiko aldizkarien aitorpena lehenago iritsi zitzaion kritikari espezializatuena edo arte garaikideko museoena baino.
- Xehetasunak
- Kategoria: Prentsa oharrak
Donostia Hiriko Kutxa Literatura Sarien 54. ediziora 509 lan aurkeztu dira guztira, horietatik 481 gaztelaniazko kontakizun eta antzerki modalitateetan, eta 28 euskarazko kontakizun eta antzerki modalitateetan.
- Xehetasunak
- Kategoria: Prentsa oharrak
Asteartean, maiatzaren 29an, ekitaldi solidario bat izango da Kutxa Kultur Plazan. Odola emateaz sentsibilizatzeko jardunaldi ireki bat izango da. Odol-emaileen artean belaunaldi-aldaketa sustatzea da helburua, eta gainera erregulartasunez egin beharraz kontzientzia harraraztea, odol-premia edo beharrizana egunerokoa baita.
Proposamenean odola ematera hurbiltzeko aukera sartzen da, baina baita izango diren jarduera osagarrietan parte hartzera ere. Zuzeneko emanaldi solidarioak izango ditugu gozagai: Xabi San Sebastián, eskarmentu handiko musikari kartsua; Olatz Beobidek eta Isidoro Fernándezek, ibilbide txalotua duten artistek, berriro gozaraziko digute beren pertsonaiekin; eta Telmo Iruretak bere bakarrizketaz hunkiaraziko gaitu.
- Xehetasunak
- Kategoria: Prentsa oharrak
Proiektu hau leku jakin bati ateratako argazki sorta hutsa baino gehiago da. Esan liteke Juan Manuel Castro Prietok memoriaren eta haren berreraikuntzaren gainean, bizitoki ditugun lekuekiko identitatearen gainean gogoeta egiteko aukera ematen digula, 39 urtean zehar egindako argazkien bidez. Cespedosa de Tormes da haren abiapuntua, eta bisitarientzat munduko beste edozein leku izango da. Oso proiektu pertsonala da, baina, hala eta guztiz ere, ikusleak identifikaziorako eta introspekziorako espazio bat aurkituko du bertan.
- Xehetasunak
- Kategoria: Prentsa oharrak
Kutxabanken Akziodunen Batzorde Nagusiak goizean ohiko bilera egin du eta Fundazio akziodunei 2017an lortutako irabazi garbiaren %50 bideratzea onetsi du, guztira 151 milioi euro.
Akordio honen bitartez, dibidenduak banatzeko azken hiru ekitaldietako politikari eusten zaio, irabaziaren erdian finkatua. Honela, 2015. urteaz geroztik banka Taldeak akziodunen artean 382 milioi eurotik gorako erretribuzioa banatu du.
Gogoratzekoa da iazko abenduan 115,5 milioi euroko dibidendua kontuan ordaindu ziela BBK, Kutxa eta Vital Fundazioei. Orain, aurrerapen hura 151 milioi eurora arte osatzen da, 2017ko kontuak erabat itxi ostean.
2017an 302 milioi euroko irabazi garbi trinkoa lortu zuen Kutxabankek, eta marjina guztietan hobekuntzak lortu zituen, tartean Interesen Marjinean, bai eta aktibo osoaren saldoan ere.
Emaitzaren hobekuntza, aurreko urtekoa baino %23,6 handiagoa, hipoteka maileguen negozioan eta enpresen finantziazio trinkoan oinarritu zen, marjinen kudeaketa onean, aseguruen negozioak duen ekarpen geroz eta handiagoan, eta fondoetan eta pentsio planetan kudeatutako ondarearen hazkundean. Horrez gain, bilakaera positiboa izan zuten arriskuei lotutako aldagarrien politikak eta lotura-maila oneko bezero digitalen kopuruak ere. Hau guztia, gobernantzaren eta berankortasun, errentagarritasun eta eraginkortasun ratioen etengabeko hobekuntzarekin.
- Xehetasunak
- Kategoria: Prentsa oharrak
Aste Santu honetan, Eureka! Zientzia Museoa bisitari askorentzako erreferentzia leku izan da. Oporraldia hasi zenetik, martxoaren 24-25 asteburuan, Eureka!-k 13.281 bisitari jaso ditu, 2017an jasotako 7.108ekin alderatuz. Bisitari partikularrek, eskola-talde zein talde-soziokulturalek eta udaleku irekietako partehartzaileek osatzen dute egun hauetako bisitarien perfila.
Bisitari hauetatik, 8.212 izan dira 5 jaiegunetan (Ostegun Santutik, Pazko Astelehena bitartean) Eurekara gerturatu direnak, ia 2017ko datuak bikoiztuz, orduan 4.662 izan ziren erakusketa iraunkorrera, planetariora eta simulagailuetara hurbildutako bisitariak.
- Xehetasunak
- Kategoria: Prentsa oharrak
Kutxa Banku Fundazioak ostiralean ospatu zuen patronatuan, Garbiñe Garmendia izendatu zuen Eureka! Zientzia Museoko zuzendari. Garmendia hurrengo apirilaren 1ean hasiko da lanpostu berrian eta erantzukizun horretan Ignacio Zuzuarregui ordezkatuko du, azken honen aurre jubilazioa dela eta.
Garbiñe Garmendia une honetan museoaren zuzendari ordea da, Marketing eta Komunikazio departamentuko arduraduna izan ondoren eta erreserben arduradun gisa hasi ondoren Eureka! Zientzia Museoan lanean orain dela 17 urte.
- Xehetasunak
- Kategoria: Prentsa oharrak
Donostiako kubo-kutxa aretoak Alejandro Garmendia. Paisaiak, enigma eta malenkonia erakusketa antolatu du eta 2018ko martxoaren 2tik maiatzaren 27ra egongo da ikusgai. Urtebete igaro da artistaren heriotza goiztiarretik, eta Kubo Kutxan egingo zaion merezitako lehenengo atzerabegirako honek, ehunetik gora obra bisual zein soinuzko biltzen dituen honek, aukera emango digu 80ko hamarkadaren erdialdean hasitako artistaren diziplina anitzeko sormen-ibilbidea hobeto ezagutzeko.
Komisario aritu den Fernando Golvanok eginiko hautaketan olio-pinturak, teknika mistoko lanak, eskulturak, collageak, musika pieza harrigarriz osaturiko bilduma bat eta bi film (Berlín eta Gilles de Rais) bildu ditu.
Lan gehienak bilduma pribatuetatik datoz, baina badira erakundeen jabetzakoak diren hainbat pieza garrantzitsu; esaterako Kutxa Fundazioarenak edo Reina Sofia Museo Nazionalarenak.
Deskargatu prentsa-oharra (word)
- Xehetasunak
- Kategoria: Prentsa oharrak
Aplikazio berri honen bidez, Kutxa Fundazioak bere jarduerei buruzko argibide guztiak eman nahi dizkie bere erabiltzaileei eta aldi berean abantailak eskaini appa jaisteagatik.
Aplikazio berri honek -Kutxaren jarduera guztiekin agenda osoa eta bere arte, kultura, zientzia, ingurumen, solidaritate eta osasun baliabideetara zuzeneko estekak izateaz gain- gure intereseko gaiei buruzko jakinarazpenak jasotzeko aukera eskaintzen du.
- Xehetasunak
- Kategoria: Prentsa oharrak
Kutxa Banku Fundazioak atzo ospatu zuen patronatuan, Ander Aizpurua Susperregui (Oiartzun, 1976) izendatu zuen Kutxako zuzendari nagusi. Aizpurua hurrengo apirilaren 1ean hasiko da lanpostu berrian eta erantzukizun horretan Carlos Ruiz Gonzalez ordezkatuko du, azken honen aurre jubilazioa dela eta.
Ander Aizpurua une honetan Gipuzkoako Sareko zuzendaria da eta aldez aurretik hainbat lanpostu izan ditu Kutxabank eta Kutxan, hala nola, Banka Korporatiboa eta Instituzionalaren zuzendari, Handizkako Bankaren zuzendari, Inbertsio Korporatiboena eta abar luzea.
Kutxa Banku Fundazioaren presidentea Manuel Beraza da eta Kutxabankeko kapitalean %32-a dauka.
- Xehetasunak
- Kategoria: Prentsa oharrak
Datorren larunbatean, hilak 27, 19:00etan, moda-ibiltoki bihurtuko da Kutxa Kultur Plaza, eta bertan desfilatuko dute Kutxa Kultur Moda programako diseinatzaile egoiliarrek sorturiko modeloek. Hauek dira beren sortze-lanak erakutsiko dituzten diseinatzaileak: Marta Arribas, Gino Rojas, Clara Virgili, Nuria De Oliveira eta Samuel Prince.
Moda-sortzaile hauek urtebetez Tabakalerako instalazioetan beren lekua dute, beste diseinatzaile batzuekin partekatua, bizikidetza eta lankidetzaren aldeko apustua eginez sorkuntza-iturri gisa; joan zen udazkenean hautatu zituen horretarakoxe eraturiko epaimahaiak.
- Xehetasunak
- Kategoria: Prentsa oharrak
Kutxako Gizarte Ekintzaren aisialdi- eta kultura-programazioak -ohiko Kutxa Ikasgelak- ireki du izena emateko epea, eta jarduerak urtarrilaren bukaeran hasi eta 2018ko ekainera arte luzatuko dira. Izen emate epea urtarrilaren 22 arte luzatuko da.
Kutxa Kultur Gelak-en programazioan jarduera hauek sartzen dira: ohitura osasuntsuak, arte-sorkuntza, gastronomia, teknologia berriak eta askotariko gaiei buruzko hitzaldiak. Jarduera gehien-gehienak Kutxak Tabakaleran kudeatzen duen espazio zabalean gauzatuko dira.
- Xehetasunak
- Kategoria: Prentsa oharrak
Abenduaren 18an, astelehenean, goi mailako ikasketak Gipuzkoako Unibertsitate-Zentroetan edota Lanbide Heziketako Zentroetan 2016-2017 ikasturtean amaituriko ikasleentzako antolatutako Ikasketa Amaierako Kutxa Sariak banatuko dira. Kutxak ematen duen aitortza da, aurten 41. ediziora iritsiko dena.
Kutxak 1977an hasi eta urtero banatzen dituen sari hauek, dagokion arloan espediente akademikorik onena lortzeko ikasleek egindako esfortzua eta lana saritzeko sortuak dira.
102 ikaslek (48 neska eta 54 mutil) jasoko dituzte Ikasketa Amaierako Sariak; ekitaldiaren buru Manuel Beraza izango da, Kutxako lehendakaria, eta bertan izango dira Cristina Uriarte, Eusko Jaurlaritzako Hezkuntza saileko sailburua eta Euskal Herriko Unibertsitateko, Deustuko Unibertsitateko, Mondragon Unibertsitateko, Tecnun Nafarroako Unibertsitateko, Musikeneko (Euskal Herriko Goi-mailako Musika Ikastegia), Ikaslaneko (Lanbide Hezketako Institutu Publikoen Elkartea), Heteleko (Heziketa Teknikoko Elkartea) eta Izeako (Irakaskuntza Zentruen Elkarte Autonomoa) ordezkariak ere.
- Xehetasunak
- Kategoria: Prentsa oharrak
Donostiari buruzko Azterketa Historikoen Buletinaren 50. alearekin batera aurkeztuko dute.
"Historia Donostiarraren Doctor Camino Taldeak" 50 urte betetzen ditu gaur. Taldeak egindako lan garrantzitsuak bere babesle den erakundea, Kutxa Fundazioa, bultzatu du Taldearen Aktak argitaratzera liburu zaindu batean, bere historiaren eta bizitzaren sarrerarekin aberastuta Juan Agirre Sorondoren eskutik.
1966an, Historia Donostiarraren Doctor Camino Taldea sortu zenean, oso gutxik aurreikusiko zuten bere Azterketa Historikoen Buletinean 600 artikulu bilduko zirela hiriaren iraganaz, eta ia ehunen bat liburu monografiko aterako zituela inprimategitik.
Bere bizialdiko mende-erdi honen balantzea eginez, arrakastazko historiaz hitz egin daiteke, gaur egun Institutua denak ongi bete baitu sortzerakoan izan zuen helburua: ikertzaileak elkartzea eta ahaleginak batzea iragan lauso bat argitzeko; beren lana egiteko bitartekoak ematea; eta emaitzak bildu eta jendarteratzea, donostiar herriak denboran zehar izan duen errealitatea ezagutzen laguntzeko. Eta hori ezinezkoa izango zatekeen aurrezki-erakunde dekanoak, Donostiako Aurrezki Kutxa Munizipalak, eman zion laguntzarik gabe.