Gaur Ideia zeinu batean. Sánchez-Ubiría bilduma izeneko erakusketa inauguratuko da Donostiako kubo-kutxa aretoan, eta publikoarentzat ikusgai egongo da bihartik, 2018ko urriaren 20tik, 2019ko urtarrilaren 20ra arte.

Sánchez-Ubiría bilduma Sebastián Ubiría (1947-2014) eta Margarita Sánchez (1944) senar-emazteek osatu dute 30 urte baino gehiagotan, eta bilduma partikular paregabea da.

Gaur egun 500 artelan inguru ditu, eta hasieran Afrikako arte tradizionaleko piezak bakarrik zituen. Geroago, jauzi egin zuten arte garaikidera, Afrikagatiko pasioa alde batera utzi gabe.

Kutxa Banku Fundazioak, 2018ko urriak 19an goizez ospatutako saioan, hurrengo lau urteetarako patronatuaren osaera adostu du.

Karguagatiko patrono gisa, Donostiako Udala María del Carmen Solórzano Sánchez andreak ordezkatuko du eta Gipuzkoako Foru Aldundia Guillermo Ibargoyen Cancio jaunak.

Bestalde, Gipuzkoako Senitartekoen, Lagunen eta Alzheimerra edo beste dementziaren bat duten pertsonen elkartea, AFAGI, Koldo Aulestia Urrutia jaunak ordezkatuko du eta gainontzeko patronoak hurrengo hauek izango dira: Juan Ignacio Ansa Martirena jauna, Maite Aranburu Lopetegi andrea, Xabier Arberas Ezama jauna, Antonio Campos Illarramendi jauna, Ángel García Ronda jauna, Idoia Ormazabal Agirre andrea, Miren Karmele Aguirrezabala Mundiñano andrea, Manuel Isidoro Beraza Olabarrieta jauna, Artizar Erauskin Tolosa andrea, Borja García Santa Cruz jauna, José María Pozas Rubalcaba jauna eta Carlos Tamayo Salaberria jauna. Manuel Beraza Olabarrieta jaunak Fundazioaren presidente izaten jarraituko du.

Gizarte-aktibazioa, elkarlana, konplizitate-sareen premia eta konpromiso pertsonalaren garrantzia azpimarratzeko helburuaz, “Elkartasun Aleak” erakusketa sortu da; 21 panel izango ditu eta Egia pasabidean egongo da ikusgai azaroaren 12ra arte.

Hogeita bat panel horietako 5 sarrera eta justifikazioa, ondorioak eta agenda azaltzeko dira. Beste 8 panel bikoitzak gai hauentzat izango dira: Berdintasuna, Kultura Aniztasuna, Nagusiak, Adin Txikikoak eta Gazteak, Dibertsitate Funtzionala, Inklusioa, Osasuna, eta Lankidetza eta Garapena.

Aurreko edizioan, Iñigo Serrulla abeslari donostiar gaztea, Grande Days taldea, Sara Mansilla donostiarra, Oso Fan, Reuben RG eta Madelaine, post-rokc-eko talde donostiarra izan ziren partaide. Orain, berriz ere, Kutxa Kultur Musikak musikaren eremuan egonaldi artistikoak egiteko programa ireki du. 2013an sortu zen, gure lurraldean nabarmentzen ari diren talde edo bakarlarien hazkundea eta garapen profesionala bultzatzeko bokazioaz.

Seigarren edizio honetako deialdian Gipuzkoako talde edo bakarlari guztiek parte har dezakete, baldin eta diskografia-kontraturik indarrean ez badute, baina ez da baztertzeko arrazoia lankidetza-kontratu, autoekoizpen edo lizentzia indarrean izatea.

Musika herrikoiak deiturikoetan (rock, pop, folk, egile, reggae, elektronikoa, jazz, heavy, funk...) sartzen diren proposamenak onartuko dira edo horien arteko bat-egite eta fusioak, kanpoan geratuko direlarik musika klasikoa edo ganbera-musika, hauek bai baitituzte beste lehiaketa batzuk Kutxa Fundazioaren jardute-ildoaren barruan. Proposamenen irudimena, talentua eta sortze-kalitatea balioetsiko dira.

Oinarriak ez betetzeagatik Kutxaren 2018ko Donostia Hiria literatura lehiaketan gaztelaniazko antzerki modalitateko saria baliogabetuta geratu ondoren, eta horren berri irailaren 8ko jakinarazpenean eman zen, azkenean modalitate honetan irabazlea “El trámite” lana izan da, Fernando Trías de Bes-ena, eta honek 15.000 euro eta garaikurra jasoko ditu horretarako 2018ko abenduaren 22an Donostiako Antzoki Zaharrean egingo den ekitaldian.

Tabakaleraren lankidetzaz, Itziar Orbegozo eta Tamara Garcia errealizadoreek batera bisitatuko dituzte Eloy de la Iglesia. Desira objektu iluna eta Rosa Barba. Drawn by the pulse erakusketak.

Bi erakusketa horiek, abiapuntuak oso desberdinak izan arren, zinemagintza dute ardatz.

"Eloy de la Iglesia. Desira objektu iluna" erakusketak haren film guztiak eta telebista nahiz antzerkirako egindako kolaborazio guztiak biltzen ditu lehenengoz, Kutxa Kultur Artegunea aretoan. Modu kronologikoan kontatuta, erakusketak gure historiaren lau hamarkada baino gehiagoren erradiografia zehatza egiten du.

Drawn by the Pulse (2018) film-eskulturatik hartzen du izena Tabakalerako 1 eta 2 Erakusketa aretoetan dagoen bakarkako erakusketak. Rosa Barbak, Berlinen bizi den artista italiarrak, bere ikerketa-gaietako bat den astronomiari eta zinemari buruzko lan sail berri bati eman dio hasiera pieza horrekin. Harvardeko Behatoki Astronomikoan filmatu zen, eta pieza enigmatiko batean konbinatzen ditu deskubrimendu astronomikoak eta teknika zinematografikoak.

Eloy de la Iglesia. Desira objektu iluna

Erakusketa honen komisarioa Pedro Usabiaga (Donostia, 1959) argazkilaria izan da. Argazkilari honen ibilbidea bereziki ezaguna da zinemarako argazkilaritzan, nola prentsako kanpainetan, hala film askotako saio berezietan nahiz zinemarako liburuen argitalpenetan. Lan handia egin du ere argazki eta pintura erakusketen komisario gisa.

Erakusketa honetan, Eloy de la Iglesiaren ibilbide profesionalaren ibilbide kronologiko bat eskaintzen digu, antzerki eta telebistarako egin zituen lanak ere aintzat hartuta. Erakusketan haren filmografia osoaren ibilbidea egin daiteke 150 bat argazkiren bidez, film bakoitzaren sinopsiaz lagunduta.

Eloy German de la Iglesia Zarautzen jaio zen, 1994an. Zinemagile gisa, 1966an hasi zen haren ibilbidea, diktadura frankista bete-betean, eta hasieratik eman zuen garai hartako gizartearen ikuspegi ausarta. Zentsuraren aurka borrokatu zen, demokraziaren hasieran, 1977an, desagertu arte. Zinemaren eta bizitzaren militantean izan zen, amildegira eta haratago iristeraino.

Haren argumentu ausartetan, arazo asko agertzen dira, hala nola drogak, sexu jazarpenak diktadurapean zegoen herrialde batean, politika ustelkeria, talde paramilitarren ekintzak, gazteen delinkuentzia, homosexualitatea... Gai horiek guztiak tabu ziren garai hartan, eta hark dinamitatu zituen. Garai ilun eta erreprimitu baten erretratua egin zuen De la Iglesiak, bere militantzia politikotik eta konpromiso sakonetik, baina umorea ahaztu gabe eta publikoaren konplizitatea lortuta.

Obra bakan, probokatzaile eta apurtzaile baten egilea da, azpiko munduen kronikagilea, eta urteak igaro arren bere horretan dirauen estetika pertsonal baten jabe. Gaur, 2006ko martxoan hil zenetik 12 urte igaro direnean, haren obrak erreferente eta eredu jarraitzen du izaten zinemagile gazteentzat.

Itziar Orbegozo eta Tamara Garcia errealizadoreek gainera Te vuelvo a ver bideoa prestatu dute erakusketarako. Bertan, Eloy de la Iglesiaren lehen filmen berrikuspen bat egiten da, ikuspuntu femenino eta garaikide batetik.

Rosa Barba. Drown by the Pulse

Tabakalerak Rosa Barba artistaren Drawn by the Pulse erakusketa aurkezten du. Mostra hau Madrilgo Reina Sofia Museoko zinema eta bideo bildumaren arduradun den Cristina Cámara Bellok komisariatu du. Erakusketa jarduera programa zabal batekin osatuko da.

Rosa Barbak, hogei urtetik gorako ibilbidean, teknologia analogikoa eta argia bere lehengai nagusi bilakatu ditu, zinemagintzara bertara behin eta berriz itzultzen diren narratibak eraikitzeko. Berlinen bizi den artista italiar honek argia elementu eskultoriko moduan erabiltzen du, zinematik banaezina den eran. Bere filmak eskultura filmiko bilakatzen dira erakusketa eremuan.

Rosa Barbaren lanaren formak pisu handia du. Gaur egun, pantaila gure bizitzaz jabetu da, eta teknologia, berriz, ikusezin egin da, gainazal soil bilakatu. Hori horrela, bada, artistak agerian jarri nahi ditu zinemaren materialtasuna bera eta zinemak duen dimentsio eskultorikoa. Haren piezak esperientzia hutsa dira: mugitzen diren mekanismoak, erritmoak, zuzeneko proiekzioak eta material berbera hainbat formatan ikusteko aukera: argi sorta gainazal lau batean proiektatuz eta zeluloidea bera fotogramaz fotograma ikusiz, besteak beste. Testuinguru honetan, kosmosa eta zientzia fikzioa erakusketa osatzen duten piezak egituratzen dituzten ardatzak dira.

Erakusketari izena ematen dion pieza, Drawn by the Pulse, erakusketarako berariaz sortu du eta Tabakalerak ekoitzi du. Lan honetan Henrietta S. Leavitt-en figura hartu du abiapuntu gisa, hots, XX. mendearen hasieran aurkikuntza handiak egin zituen astronomo estatubatuarra, nahiz eta aurkikuntzen egiletzat Edward Pickering jo izan den, Leavittek nagusi zuen gizonezko astronomoa.

Eloy de la Iglesia eta Rosa Barbaren bisita bateratua

Urriak 4, osteguna // 18:30
Lekua: Kutxa Kultur Artegunea
Ezinbestekoa da erreserba egitea:
T- 943 251937 | aretoan bertan | Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

Eloy de la Iglesia. Desira objektu iluna erakusketa irekita egongo da Kutxa Kultur Artegunean, 2018ko azaroaren 4ra arte.

Ordutegia
- Asteartetik igandera, 11:30-13:30 eta 17:00-21:00.

Sarrera doan.

Rosa Barba. Drown by the pulse erakusketa 2018ko urriaren 14ra arte egongo da irekita Tabakalerako 1 eta 2 erakusketa aretoetan.

Ordutegia
- Asteartetik ostegunera: 12:00-20:00. Ostiralean 12:00-21:00. Larunbatean 10:00-21:00. Igandean 10:00-20:00 (astelehenean itxita).

Sarrera librea.

Donostia Hiriko Kutxa Literatura Sarien deialdi honetara 509 lan aurkeztu dira guztira, horietatik 481 gaztelaniazko kontakizun eta antzerki modalitateetan, eta 28 euskarazko kontakizun eta antzerki modalitateetan.

Lanen jatorriari dagokionez, Madrilgo Erkidegoak aurkeztu du kopuru handiena, guztien %30, eta ondoren Euskadik, %11,2. Erkidego horiek atzetik datoz: Andaluzia, %9,8, Katalunia, %9, Valentziako Erkidegoa, %6, Gaztela eta Leon, %3, Galizia, %2,8, Asturias, %2,4. Aurreko ediziokoaren antzeko datuak dira, baina Madrilgo Erkidegoaren eta besteen arteko aldea handitu egin da.

Atzerriko 22 herrialdek parte hartu dute, 2016ko edizioan (13) baino %69 gehiago da hori, eta lan guztien %15,5 dira (79); %5 gehitu da aurreko edizioarekiko, baina lan kopurua bikoiztu egin da (aurten 79, aurrekoan 38). Honako hauek izan dira parte-hartze handienekoak: Argentina, 20 lan kontakizun-liburuak eta antzerkiak batuta, Estatu Batuak 10, Mexiko 9, Kolonbia 5, Kuba, Venezuela eta Frantzia 4na, eta Ekuador, Txile eta Kanada 3na. Aurreko urteetan bezala, Hego Amerika eta Ipar Amerika dira jatorri erreferenteak, baina aurtengo edizioan herrialde berriak sartu dira, adibidez, Polonia, Irlanda, Holanda, Israel eta Hong Kong.

Lan irabazleen aldarrikapena gaur, irailak 8, Kutxa Kulturren izan da (4. solairua, Tabakalera)

Kutxa Fundazioaren aisialdi- eta kultura-programazioan, Kutxa Kultur Gelak ezagunetan, ostegunean irekiko da izena emateko epea irail-bukaeran hasi eta 2019ko udaberrira arte luzatuko diren jardueretarako. Izena emateko epea zabalik izango da irailaren 20ra arte.

Aurten, neguko eta udaberriko inskripzio-aldiez gain, beste bi aldi izango dira Gabonetako eta Aste Santuko jardueretarako; izan ere, aurtengo berrikuntzen artean, azpimarratu behar da eskaintza berrian 16 urte baino gehiagokoentzako jarduerak daudela tea lehen aldiz, baita neska-mutikoentzakoak ere.

Aurtengo beste berrikuntzetako bat da ikastaro guztietan bizi-ohitura osasungarriak eta elikadura sano eta orekatua sustatuko direla Izangood programaren bidez.

Kutxa Kultur Gelak-en programazio zabalak aurten beste aldaketa eta berrikuntza batzuk ere baditu. Alde batetik, gastronomiari buruzko tailer edo lantegi gehiago izango da, tailer berritzaileak (olioak eta ardoak dastatzea), Frantziako eta Italiako sukaldaritza, cupcake tailerra edo bihotzerako sukaldaritza osasungarria. Bestalde, programan sartuko dira UPV/EHUko Material Physics Center-ek eskainitako hitzaldiak, eta Catalina Erauso arte-elkartearekin lankidetzan jarraituko da, honela jendearen aldetik oso harrera ona izaten duten arte-hitzaldiak programatzen baitira, urtero aretoa bete-bete egiten delarik.

Itsasoa, unibertso alegoriko aberats baten gisan, beti egon izan da presente Ricardo Ugarteren obran. Hauxe da RICARDO UGARTE DE ZUBIARRAIN. Itsasbide eskultorikoa argitalpenean azpimarratu nahi den kontzeptua. Artista honen itsas gaietako obrei eskainitako liburua da.

Kutxa Fundazioa Untzi Museoarekin estu aritu da “Itsasbide eskultorikoa” proiektu honetan. Liburuaren hitzaurrean Manuel Beraza Kutxa Fundazioaren presidenteak dioen bezala: “Kutxa Fundazioak harreman berezia du Ricardo Ugarterekin, Aurrezki Kutxa Probintzial zaharrean lan egin zuelako bere garaian. Eta orduan sortu zen harremanak indarrean jarraitzen du gaur egun ere. Izan ere, gure kultura-jardueraren egungo egoerak asko zor dio Ricardori, gurekin ziharduenean eta, jakina, ondorenean ere, buru-belarri aritu delako beti Gipuzkoako kultura dinamizatzeko ahaleginetan”. Kutxa Fundazioak baditu bere arte bilduman Ricardo Ugarteren obrak, batzuk erakundearen egoitzetan jarriak publikoaren begi bistan. Berazaren hitzetan: “guk gainera ohore handia izan dugu bere lan bat, ‘El Aleteo del Espíritu (Gogoaren hegada)’ izenekoa, Garibai kaleko Aurrezki Kutxa Probintzial zaharreko eraikin nagusira ekartzeko aukera izan dugulako”.

Kutxa Fundazioak 10 urte baino gehiago daramatza ohitura osasungarriak sustatzen Gipuzkoan. Besteak beste, bertako ikastetxeetan gauzaturiko ekintzei eta udako, Aste Santuko eta Gabonetako jarduerei, aurten gure Arotz Eneako udalekuetan IZANGOOD filosofiaren ezarpena eta Kutxa Kultur izozkiak gehitu behar zaizkie.

Egun osoan hidratatzeak eta sasoiko frutak eta barazkiak kontsumitzeak osasun ona izateko aukera emango digu bete-betean gozatzeko kultura-eskaintzaz.

Aurtengo udan, Kutxa Kultur-ek, izozki eta polo formatuetan, hiru zapore eskaintzen ditu; urtaroa eta aniztasuna kontuan izanda hautatu dira, fruta eta barazkien kontsumoa freskagarria izan dadin eta egokia familia osoarentzat:

POP POP POP American Pop Art erakusketan, areto honetan antolatu den 67.ean, Donostiako Kubo-kutxa aretoa bi milioi bisitari jasotzera iritsi da aste honetan.

2000. urteko abenduan ireki zen Oteiza 2000 erakusketarekin; Kutxa Fundazioaren Kubo-kutxa aretoa Rafael Moneo arkitektoak diseinaturiko Kursaal eraikin bitxian dago eta Donostiako kultura-bizitzaren eskaintzarik garrantzitsuenetako bat bihurtu da. Aretoak 1.000 m2 ditu gutxi gorabehera, eta gune handi honek bere arkitektura bitxiarekin tamaina handiko erakusketak egiteko aukera ematen du.

Kutxa Fundazioak Eloy de la Iglesiaren obra osoa biltzen duen lehen erakusketa aurkezten du. Modu horretan, merezitako omenaldia eskaini nahi dio zinema zuzendari zarauztarrari.

Erakusketa honek haren film guztiak eta telebista nahiz antzerkirako egindako kolaborazio guztiak biltzen ditu lehenengoz, Kutxa Kultur Artegunea aretoan. Modu kronologikoan kontatuta, "Eloy de la Iglesia. Desira Objektu iluna" erakusketak gure historiaren lau hamarkada baino gehiagoren erradiografia zehatza egiten du. Zinema gutxik bezala bizi, maitatu eta egin zuela esan genezake: sentsualki, egiaz eta eromenera iritsi arte. Maitatua eta gorrotatua, haren planteamenduak ez ziren inoiz oharkabean pasatu. Hamarkada bat ahaztuta igaro ondoren, Eloyk harrotasunez zioen zineman jarraitzea zela berarentzat bizitzeko arrazoi bakarra.

Eloy de la Iglesiari buruzko mahai-inguru bat izango da uztailaren 20an, 18:00etan, Tabakalerako Z aretoan. Ondoren, 20:00etan, El pico (1983) proiektatuko da 1 zinema aretoan. Hala, Euskadiko Filmategiak, Kutxa Kultur Artegunearekin elkarlanean, erakundearen 40. urteurreneko ospakizun ekitaldien baitan txertatu nahi izan du zinemagile zarauztarrari eskainiko dion omenaldia. Ekitaldiak denboran bat egingo du Pedro Usabiagaren komisariotzapean Kutxa Kultur Artegunean (Tabakalera) antolatu den “Eloy de la Iglesia. Desira objektu iluna” erakusketarekin.

Mahai-ingururako sarrera doan izango da aretoa bete arte. Jesús Angulo historialari eta zinema kritikaria arituko da moderatzaile gisa (euskal zinemagileen inguruko espezialista jantzienetako bat da). Anguloz gain, Pedro Olea zinema zuzendariak -Los novios búlgaros (2003), Eloy de la Iglesiak zuzendu zuen azken filmeko ekoizleetako bat izan zen-, María Luisa San José El diputado (1978) pelikulako protagonistak eta Elena Manrique zinema produktoreak hartuko dute parte solasaldian.

El pico (1983) Gipuzkoako zuzendari sailkaezin honen izenburu garrantzitsuenetariko bat da. Droga-mendekotasuna duten bi mutil gazteren istorioa kontatzen du. Behar duten dosia lortzeko droga saltzen dute eta krimen bat burutuko dute. Gainera, guztiz kontrakoak diren bi familietako partaide dira: bata guardia zibil baten semea da eta bestea, berriz, politikari abertzale batena. Filmaren kanpoko irudiak Bilbon, Barakaldon, Portugaleten, Algortan, Getxon eta Negurin filmatu zituzten.

“Eloy de la Iglesia. Desira objektu iluna” erakusketa zabalik egongo da uztailaren 20tik azaroaren 4ra arte. Eloy de la Iglesiaren lan guztia biltzen duen lehen erakustaldia izango da; hala, ondo merezitako omenaldia eskainiko zaio zinema zuzendari zarauztarrari. Erakusketak zinemagilearen filmografia errepasatzeaz gain, gaur egungo zenbait artistek hark utzitako ondarearen inguruan duten ikuspegia azaltzen duten lanak biltzen ditu.

Iazko ikasturteko arrakastaren ondoren, Kutxa Kultur Moda programak berriro irekiko du bere gunea Tabakalerako instalazioetan, eta bertara joan ahal izango dira beste sei diseinatzaile, beren lana beste eragile batzuekin bizi eta partekatu nahi badute eta lankidetza eta konexioa sorkuntza-iturri gisa baloratzen badituzte.

Gorabidean dauden eta amateur diren diseinatzaileen topagune gisa pentsatu du leku hori Kutxa Kultur Modak, eta besteak beste ikastaroak eta hitzaldiak emango ditu eta, batez ere, era guztietako ekintzak aktibatuko ditu talentuaren zabalkundea sustatzeko, kasu honetan Gipuzkoako diseinatzaileen talentua.

Kutxa Kultur Moda Kutxa Fundazioak sustatzen duen proposamena da, eta zazpi urte daramatza moda-sorkuntza eta diseinua bultzatzen gure lurraldean, zeren eta Gipuzkoak beharrezko osagai guztiak baititu berriro ere modaren erreferente izateko iraganean izan zen bezala, enplegua sortzeko ahalmena duen sektore batean. Sorkuntza-eremu honetan esku hartzen duten eragileen eta enpresen artean sareak ehuntzea du helburu programa honek, honela azken urteotan neurri batean hautsitako katea berrosatzen laguntzeko, eta horretarako Kutxa Fundazioak eragileen artean hitzarmenak sinatzea sustatuko du.

Donostiako Kubo-kutxa aretoak POP POP POP American Pop Art erakusketa inauguratuko du. 2018ko ekainaren 15etik irailaren 30era bitarte egongo da ikusgai.

Erakusketak arte-korronte horretako funtsezko 100 lan biltzen ditu, estiloaren 5 ordezkari nagusienak: Andy Warhol, Keith Haring, Robert Indiana, Roy Lichtenstein eta Robert Rauschenberg.

American Pop Art: mugimendua

Pop artearen ezaugarria da komunikabideen eta publizitatearen mundutik hartutako irudiak eta gaiak erabiltzen dituela. Mugimendua 1950eko hamarkadaren erdialdean jaio zen, Ingalaterran, espresionismo abstraktuari aurre egiteko arte-korronte berri gisa, hura estilo hutsa eta elitista zela baitzeritzoten. Mugimendu berria Estatu Batuetara hedatu zen berehala, eta bertan izan zuen proiekzio handiena.

Lawrence Alloway britainiar kritikariak erabili zuen lehen aldiz terminoa 1962an, zenbait gazte irudi herrikoiak erabiliz sortzen ari ziren artea definitzeko. Era berean, Time, Life, News Week eta beste aldizkari garrantzitsu batzuek hainbat saiakera idatzi zituzten arte-estilo berriari buruz, baina, hala ere, publiko handiaren eta hedapen handiko aldizkarien aitorpena lehenago iritsi zitzaion kritikari espezializatuena edo arte garaikideko museoena baino.