Datorren larunbatean, 13:00etan, Tabakalerako Ruiz Balerdi aretoan, sarrera libre dela, epaimahaien erabakia adieraziko da eta Donostia Hiriko Kutxa Literatura Sarien 53. edizioko irabazleak nor diren jakingo da. Kontakizun-liburu eta antzerki modalitateetan deituta (10.000 eta 15.000 euroko sariekin, hurrenez hurren), euskaraz nahiz gaztelaniaz, guztira jatorrizko 388 lan jaso dira, eta horietako 38 atzerriko 13 herrialdetatik iritsi dira.